4-р халз тулаан

4-р халз тулаан 2009.11.2-д явагдаж өндөрлөлөө. Тэмцээний тойрог бүрт 4 бодлогыг 40 минутад бодож 6 тойрог өрсөлдөв. Бодлого бүр 6 оноотой бөгөөд 2 өрсөлдөгч хоюулаа 6-аас бага оноо авбал тэнцсэнд тооцохоор нэмэлт дүрэм оруулав. Ингэснээр бие биенийгээ 1:0-ээр хожчоод хэрэлддэг асуудал цэгцрэх байх.

1-р тойрог.
Яаж ам ахавнуу гэж хүлээж байсан чинь ёстой сонин ам авдаг байна ш дээ. Амжилтанд хэт улайрсан...
Энэ сард бэлтгэл тун сайн байгаа Бямбасүрэн түрүү тэмцээнд хамтдаа хомоол хамалцсан Должинсүрэнг 20:6-аар бут ниргэж нүргээнтэйхэн гараагаа эхлэв. Дуламсүрэн Гончиглорж нар муучилж амалсан учраануудаа ялсан бол Нацагдулам Дагиймааг энэ тэмцээнд амжилт гаргахгүй болтол л "хашраалаа" 22:11. Анхлхагва тойрог бүрт л буруу ам авах юм. Том Мөнхзулыг зарим хүмүүсийн урдуур орж амлаад л 17:19- өөр хожигдлоо. Тэмцээнийг 1 хоног хойшлуулан байж оролцож буй Булгантамир хариуцлагатай ам авч хариуцлагатай ялалт байгуулж Хишигсүрэнг 18:17- оор ялж доод тойроглуу илгээлээ. 4 дээр ам сонгосон Амартүвшин 6-рт бичигдэж буй жижиг Мөнхзулыг будаа болгов 20:9.

2-р тойрог.
Энэ тойргийн хамгийн том сенсацыг том Зулаа дэгдээлээ. Тэрээр манлайлагч Дуламсүрэнг нэр төртэйгээр 17:12-оор буулгаж авснаар тэмцээнийг өрсөлдөөнтэй болгох үүдийг нээв. Булгантамир өөрийг нь амалж авсан Нацагдуламаас даагаа нэхэж 17:13- аар буулгаж авснаар тэмцээний чансааны эхний 6-д бичигдсэн хүмүүсээс Гончигдорж ганцаараа 2 ялалт байгуулав. Тэрээр муучилж авсан Нацагсүрэнг арай ядан 12:9-өөр буулгаж авсан. Хишигсүрэн уураа шинэ цэрэг Алтанзулд гаргаж 16:4-өөр ялснаар энэ тойрог ихээхэн сонирхолтой болж өнгөрөв.

3-р тойрог.
Урд тойрогт ялагдсан уураа Анхлхагвад гаргаж 16:3-аар Дуламсүрэн ялалт авав, Нацагдулам харин ялагдсан тул энэ тойрогт амжилтыг төлөө ам авч Нацагсүрэнг 21:6-аар цэнгэн хөгжилдөв. Түрүү тойрогт сенсац дэгдээсэн Мөнхзулыг Гончигдорж номхроосон бол урд 2 тойрогт чансааны хамгийн доор байсан 2 хүнийг ээлж дараалан ялсан Мөнхдалай Тамираад 10:0 -ээр ялагдаж тарна танигдав. Бямбасүрэн энэ тэмцээний турш хамгийн муу тоглолтоо энэ тойрогт хийж 11:13-аар Энхзаяад дийлдэснээр тэмцээний эцэст 2-р байранд орох байсан сайхан боломжоо алдав. 1-р тойрогт манлайлагчид ялагдсан Энхзаяа 2, 3-р тойрогт гялалзсан амжилт гаргаж 2 дараалан ялж тэргүүлэгчдийн 2-р эгнээнд Дуяа нарын зэрэг шилдгүүдийн хамт гарч ирэв. Түрүүчийн тэмцээнээс эхлээд энэ тэмцээний 3-р тойрог хүртэл "хомоол хамсан" Должинсүрэн анхныхаа ялалтыг 13:0-ээр дуулиантайхан авч золиос нь Дашпүрэв болов.
Тамираа 6
Гочоо 6
Дуяа 4
Нацагаа 4
Мөнзул (том) 4
Энхзаяа 4
Бямбасүрэн 4
Мөнхдалай 4

4-р тойрог.
Тэмцээнийг 3 дараалан ялалт авч тэргүүлж байсан 2 хүн аваргын төлөө гэж хэлж болох тулааныг өрнүүлэв. Түрүүчийн тэмцээнд яг энэ тойрогт аваргын төлөө өрсөлдөж Дуламсүрэнд ялагдсан Гончигдорж энэ удаа Булгантамиртай аваргын төлөө өрслдөөд мөн л хүч хүрсэнгүй 16:17-оор ялагдал хүвээв. Тамираа тасарлаа... үүний төлөө л тэмцээнийг 1 өдөр хойшлуулан байж тэмцээнд амжиж ирэн оролцож байгаа байх. Манлайлагчдын ард боломж гарах болов уу хэмээн горьдож яваа Дуламсүрэн энэ тэмцээний "нээлт" Бямбасүрэнг 23:8- аар арай дэндүүлж, харин Нацагдулам том Мөнхзулыг 19:10-аар буулгаж авснаар арын эгнээрүү шилжүүлцгээж өөрсдөө өрсөлдөөнд үлдэж чадав. Орон гаран Энхзаяаг Мөнхдалай хялбархан буулгаж авлаа.
Тамираа 8
Дуяа 6
Гочоо 6
Нацагаа 6
Мөнхдалай 6
Хишигээ 5

5-р тойрог.
Өөрийнхөө араас тэмцээнийг хошуучилж яваа 5 хүнээс Дуяагаас бусдыг нь буулгаж авсан тул Булгантамир Дуяатай хүчээр оноолт таарч 22:10 -аар хол ялагдал хүлээснээр тэмцээн буцаад сонирхолтой болж эхлэв. 5-р тойрог ч аваргуудад халтай тойрог доо. Нацагаа өрсөлдөөнд үлдэх үү эс үлдэх үү? гэдэг үхлийн тулааны Гончигдоржтой өрнүүлж 12:6-аар ялалт авснаар Гочоо bye bye болов. Дараа сарын тэмцээн хол байна даа хол байна гэж... Хишигсүрэн Мөнхдалайг ялж сүүлийн 4 тойргоос ялагдал хүлээлгүй 7 оноо цуглуулснаар чимээгүйхэн өрсөлдөөнлүү зүтгэлээ... Түрүүчийн тэмцээнд амжилт гаргасан Анхлхагва, жижиг Мөнхзул 2-ыг энэ тэмцээний сайчууд болох Бямбасүрэн Энхзаяа нар ялж өөрсдийн байраа урагшлуулав. Харин Должинсүрэн 3 дараалан ялснаар (Дашпүрэв, Амартүвшин, Аззаяа) тэмцээнд дээгүүр байр эзлэх боломжтой болов. 8 удаа ялалт гээчийг үзээгүй явсан хүн шүү дээ..
Дуяа 8
Нацагаа 8
Тамираа 8
Хишигээ 7
Гочоо 6
Энхзаяа 6
Бямбасүрэн 6
Должинсүрэн 6
Мөнхдалай 6

6-р тойрог.
Аваргын төлөө тулаан жинхэнэ утгаараа Дуламсүрэн Нацагдулам 2-ын дунд өрнөж 4-р халз тулааны аваргаар өрсөлдөгчөө 9:6 -аар буулгаж авсан Дуламсүрэн улиран тодорлоо. Бүх сайн өрсөлдөгчдийг нь ялж өөрт нь ялагдсан Булгантамир санаатай бөгөөд санамсарргүйгээр түүний title-д маш их тус болсныг тэмцээний явцаас харж болно. Дуяагийн замын цэвэрлэж өгсөн ч Тамираад 2-р байранд орох боломж байв, даанч Бямбасүрэнд 8:3-аар ялагдсанаар 5-р байрлуу ухарлаа. Тэмцээнийг 4 тойргийн турш итгэл төгс тэргүүлж явсан тэрээр өөрийн бүх хүчтэй өрсөлдөгчтэй үзэлцэж, тэмцээний хамгийн сонирхолтой хүн нь байж, тэмцээнийг тэргүүлсэн 4 хүн, 6 болон 9-р байранд орсон хүмүүстэй халз тулж сүүлийн 2 тойрогт ялагдал амссанаар 5-р байрт шалгарлаа. Энэ хооронд 3-р байрны төлөө өрсөлдсөн Гончигдорж Хишигсүрэнг 12:5-аар ялж буйр заан 3-р байранд шалгарав. Тэгэхдээ Гочоо энэ тэмцээнийг хамгийн муучууд нэг нь байлаа. Тэрээр чансааны 10, 11, 12, 17-рт бичигдсэн хүмүүсийг л ялж чадсан ба энэ тэмцээний эхний 4 байрт шалгарсан хүмүүсээс ердөө ганцхантай нь тулж ялагдсан нь азаар бөгөөд түрүүчийн чансааны ачаар, маш чанаргүйгээр 3-р байранд орсон гэсэн үг болно! Хишигсүрэн тэмцээнийг муу эхлүүлсэн шигээ муу төгсгөж 6-р байрт жагсав. Энэ сард үнэхээр сайн бэлтгэл хийж өсөн дэвжсэн Бямбасүрэн Энхзаяад харамсалтай хожигдосноор 2-р байраа алдаж, Дуяагийн сүр, хүч 2-д дарагдан мөн нэг ялагдаснаар 4-р байрт шалгарав. Түрүүчийн тэмцээнд ардаа 3-хан хүнтэйгээр 18-р байр эзэлж байсан хүн энэ тэмцээнд өмнөө 3-хан хүнтэй байранд орлоо... баяр хүргэж, амжилт хүсье! Нацагдулам Гочоог бодвол харьцангуй сайн ам авч харьцангуй сайн тулалдсан. Тэрээр Тамираа Дуяа 2-д даагаа нэхүүлснийг эс тооцвол өөр хүн амлах боломжтой газар Даагий, том Зулаа 2-ыг амалж ялж шийдвэрлэх тулаанд Гочоог буулгаж авснаар 2-р байрт жагслаа. Энхзаяа энэ тэмцээний турш сайн өрсөлдөж 7-р байранд шалгарах замдаа чансааны 6-д бичигдэж байсан жижиг Зулаа, энэ тэмцээнд 4 ба 8-р байрт шалгарсан Бямбасүрэн, Должинсүрэн нарыг буулгаж авч, Дуяа Мөнхдалай нарт л ялагдсан нь Гочоогоос хол илүү амжилт билээ.

4-р халз тулааны нэгдсэн дүн. (түрүүчийн тэмцээнд авч байсан оноо)
1. Дуламсүрэн 10 (10)
2. Нацагдулам 8 (9)
3. Гончигдорж 8 (9)
4. Бямбасүрэн 8 (3)
5. Булгантамир 8 (7)
6. Хишигсүрэн 7 (5)
7. Энхзаяа 7 (5)
8. Должинсүрэн 7 (2)
9. Мөнхдалай 7
10. Ичинноров 6 (4)
11. Анхлхагва 6 (8)
12. Бб.Мөнхзул 6 (5)
13. Нацагсүрэн 5 (4)
14. Аззаяа 5 (6)
15. Бт.Мөнхзул 5 (8)
16. Амартүвшин 4 (8)
17. Батхуяг 4 (1)
18. Дашпүрэв 3 (5)
19. Дагиймаа 3 (7)
20. Алтанзул 3


4-р халз тулааны дараах ЭЕШ2010 сурагчдын чансаа:

1 Дуламсүрэн 20 х0
2 Гончигдорж 17 х0
3 Нацагдулам 17 х0
4 Булгантамир 15 ө3
5 Анхлхагва 14 х0
6 Бт.Мөнхзул 13 х
7 Амартүвшин 12 б3
8 Хишигсүрэн 12 ө3
9 Энхзаяа 12 ө6
10 Аззаяа 11 х0
11 Бб.Мөнхзул 11 ө1
12 Бямбасүрэн 11 ө6
13 Дагиймаа 10 б4
14 Ичинноров 10 ө2
15 Нацагсүрэн 9 ө2
16 Должинсүрэн 9 ө3
17 Дашпүрэв 8 б3
18 Цолмонгэрэл 7 б10
19 Мөнхдалай 7 шинэ
20 Бямбадолгор 5 б7
21 Батхуяг 5 б1
22 Алтанзул 3 шинэ

ө- өссөн
х- хэвэндээ
б-буурсан