Гончигдоржийг бүлгийн гишүүнээр элсүүлэн авах хүсэлт.

2009-11-6.

Баянхонгор аймгийн Г.Нямдаваагийн нэрэмжит "Мэдээний цаг" бүлгийн ахлагч Б.Доржнамжирмаа болон бүлгийн бусад гишүүдэд:

Бүтэгт шинэ гишүүн нэмж авах тухай хүсэлт:

Г.Нямдаваагийн нэрэмжит "Мэдээний цаг" бүлгийн 6-р гишүүнээр Мягмарсүрэнгийн Гончигдоржийг элсүүлэн авъя хэмээн бүлгийн ахлагч болон гишүүдэд хүсэлт тавьж байна.

1. М.Гончигдорж нь Баянхонгор аймагт төрж өссөн, одоо Номун далай сургуулийн 11-р ангид сурч байна.

2. Мэдээний цаг бүлгийн 2-р олимпиадад тэртээ 4 жил орчмын өмнө амжилт гаргаж байснаас эхлүүлэн аймагтаа болсон удаа дараагийн олимпиадууд уралдаануудад амжилттай оролцож, мэдээлэл зүйн аймгийн олимпиадны дэд аварга цолонд хүрээд байна.

3. Алгоритм сургалтын төв байгуулагдаснаас хойш хамийн их цагаар буюу 13 сарын турш тасралтгүй бэлтгэл хийж математик болон мэдээлэл зүйг боломжийн хэмжээнд сайн сурч байна.

4. М.Гончигдорж нь математик, мэдээлэл зүйн чиглэлээр багш болох хүсэлт, зорилт тавин жил гаруй хугацаанд бэлтгэл хийхдээ дүү нартаа зааж зөвлөн багш болох суурь бэлтгэлээ хэдийнээ базааж эхлсэн.

5. Архангай аймагт болдог УБ- хотоос бусад Монголын бүх хүчтэй аймгууд оролцдог төвийн бүсийн математикийн олимпиадад 3-р байрт шалгарч Жамсрандоржийн амжилтаас давсан нь Баянхонгорчууд өөрсдөө бэлтгэн гаргаж буй сүүлийн хэдэн жил дэхь хамгийн шилдэг математикч мөн болохыг гэрчилнэ.

6. Өнөө жил мэдээлэл зүйн улсын олимпиаднаас медаль авч Олон Улсын олимпиадад оролцох, математикийн улсын олимпиадад 15-аас дотогш байрт шалгарах, улсын ЭЕШ-д "А" (90%-аас дээш) үнэлгээний амжилт үзүүлэх гэсэн 3 үндсэн зорилт тавин бэлтгэлээ шаргуу хийж байна.

7. Энэ хүүхдийг цаашид өсөн дэвжих, олимпиаднуудын бэлтгэлэд УБ хотод "Мэдээний цаг" бүлэг дээр бэлтгэлд хамрагдах зэрэг болон ирээдүйд сайн багш болж Баняхонгор аймгийн төлөө чин сэтгэлээр зүтгэх хүсэл эрэмзлэлтэйг нь дэмжин Г.Нямдаваагийн нэрэмжит "Мэдээний цаг" бүлэгт гишүүнээр элсүүлэх авах цаг нь болсон гэж би хувьдаа үзэж байна.

Баянхонгор аймгийн Г.Нямдаваагийн нэрэмжит "Мэдээний цаг" бүлгийн бүхий л гишүүд дэмжсэн тохиолдолд шинэ гишүүн элсүүлэх нь зүйн хэрэг тул та бүхнээс энэхүү хүсэлтийг маань өнөөдрийн дотор шийдвэрлэн өгөхийг хүсье.

Зөвшөөрсөн эсэхээ ахлагч Доржнамжирмаад мсжр-ээр мэдэгдэж гишүүн болж чадсан эсэхийг ахлагч өнөөдөртөө багтан мэдэгдэх буйзаа.