Багаараа дахин медаль авлаа.

ТО8. Н.Өлзийн нэрэмжит Дундговийн 11-р нээлттэй олимпиад 9-р сарын 24-д болж нэг АЛТАН медалтай ирсэн байгаа. 4-р ангийн Даансран 6-р байр, 10-р ангийн Эрдэнэмаа 9-р байр, 9-р ангийн Бат-Амгалан 12-р байр тус бүр эзэлсэн.

ТО9. А.Нямринчен багшийн нэрэмжит Хангайн бүсийн 11-р олимпиад 10-р сарын 8, 9-д болов.

1. Багуудын тэмцээнд Буяннэмэх, Эрдэнэмаа, Чимэдширчин, Энхзаяа гэсэн хүүхдүүдээ авч орон 4-р байр эзлэв. Уржнан 6-д орж байсан удаатай.

2. 11-р ангийн сурагч М.Буяннэмэх ХҮРЭЛ медаль авлаа. Эхний өдөр 2 бүтэн бодлого бодож 10 оноо авсана. Төгсөх ангид өмнө нь манайхан 1 мөнгө, 1 хүрэл, 1 шагналт байр авч байсан.

3. 10-р ангиийн сурагч Н.Эрдэнэмаа 6-р байрт шалгарлаа. 6+5 гэсэн оноо авсан. Ганцхан Архангайд л маш муу боддог уламжлалтай хүн дээ. Энд 3 удаа орохдоо өөр газар үзүүлж байгаагүй муу амжилт л үзүүлж байна.

4. 9-р ангид Б.Чимэдширчин 4+12 оноогоор шагналт 4-р байрт шалгарав. Эхний өдөр 8-р байрт явж байсан гэхэд 2 дахь өдөр сайн бодож сайн ахилаа. Гэхдээ формоо олж авах шаардалага байгаа юмаа, өнгөрсөн жилийн Өмнөговиос эхлээд л азгүй байгаа, улсын олимпиаднаас хойш формоо алдсаар л байна.

5. Шилжилтийн 9-р ангид Б.Энхзаяа МӨНГӨН медаль хүртлээ. Үнэхээр сайхан бодсон, яг л өөрийн хийх ёстойг хийсээр 7+7 оноо авч багийнхнаасаа хамгийн өндөр амжилт гаргалаа. Энэ жилийн улсын олимпиадад оролцох эрхээ бараг л авчих шиг боллоо.

6. 8-р ангид дэвшин оролцсон Ёндонжамц эхний өдрийн 1 оноогоор 15-р байрт жагссан.

7. 7-р ангид Буянбилэг амжилттай сайн бодож 11+7 оноо авч 6-р байрт орсон. Багийнхнаасаа хамгийн өндөр оноог цуглуулсан байгаа, алт авсан сурагч нь 22 оноотой. Буянбилэг анх удаа том олимпиадад оролцож байгаа тул туршлага дутаж сул алдсан оноо нь 4-өөс хамаагүй их байлаа. Үнэхээр сайн байлаа шүү.

8. За 11-н жил тэмцэж намайг очсон 3 жилээс бусад жилүүдэд баян ходоод шахуу явсаар өнөө жил анх удаа БАГААРАА медальт байранд оров. Олон хүчтэй багуудтай өрсөлдөөд нутгийн эзэд болон энэ олимпиадад хамгийн олон түрүүлсэн Хөвсгөлийн баг, мөн түрүү авдаг Орхоны баг зэргийг дийлж БАГААРАА ХҮРЭЛ авах бас л гоё байсан шүү.

3+6+4+2+10+6=31 оноогоор тус шагналт байрыг авлаа, одоо дийлэх шаардлагатай 2-хон багтай үлдлээ.

Олон жилийн хүсэл биелэлээ..

Олон жилийн хүсэл биелэж МТС-ээс улсын програмчлалын олимпиадны анхны аварга төржээ. Хөвсгөлийн Өсөхбаатар гэдэг залуу сүүлийн 3 жил улсын олимпиаднаас хүрэл, мөнгө, алт авч гялалзлаа.
3, 4 хоногийн өмнө нь олгойгоо авхуулаад эмнэлэгт байсан хүн өнөөдөр Монгол улсын аварга болчоод зогсож байна, гоё байна шүү.
Том хүний хаялага өөр байх юмдаа, өнөөдөр Дамдин аваргыг дурсах арга хэмжээ болж байгаа юм, гэтэл Хөвсгөлийн залуу тэнд Монгол улсын аварга болоод явж байдаг... Доржоо маань анхны аварга шавиа төрүүллээ, 3 жил хүлээсэн цомоо буцаан авлаа.

Угаасаа энэ цом КТМС, МКС, МТС, КТМС, МКС, МТС гэж сүүлийн 6 жил зугаалж байна даа. Хамийн олон авсан хүн нь Далай. МКС, МТС-д тамирчнаар, сая туслах дасгалжуулагчаар авчихлаа шүү...

Цомоо авсан багийн гишүүн болох Хуягбаатар, Жамсрандорж нар жаахан аз дутаж медальгүй үдлсэн бололтой. Гэхдээ сайн шүү, аварга хүнийг хамтрагчид нь л бэлддэг юм ш дээ. Бас багтаа өөрсдийн хувь нэмрээ оруулж цомонд хүрлээ. Авах нь ч ингээд авчихдаг юмаа, хамгаалах л хамгийн хэцүү байдаг даа. Уг нь нөөц баг энэ тэр бол үнэн сайн л юм билээ. Дасгалжуулагчид нь бодсон юм гэж байдаг байлгүй дээ.

Аймгийн олимпиадны дүн.

ДО5. Аймгийн олимпиадуудад:



1. 8-р ангийнхны олимпиад Гантулгын Мөнхбатын ялалтаар өндөрлөлөө. Мөнхбат энэ ангидаа 2 жил дараалан түрүүлж байгаа бөгөөд өнөө жил улсын олимпиадад очин зодоглох эрхтэй боллоо.
Мөнхбат өнгөрсөн намар 14-жилийн дараа эх нутагтаа Говийн бүсийн аварга гэдэг цолыг эргүүлэн авчирсан билээ. Бүсийн болон нийслэл хот, улсын хэмжээний олимпиад болон түрүү жил улсын олимпиадад дэвшин орж байсан туршлагатай.
8-р ангийн мөнгөн медалийг Бат-Амгалан авсан. Тэртээ 3-р ангийн сурагч байхдаа Мөнхбат Чимээ нарыг дийлэн аймгийн аварга болж байсан түүхтэй нэгэн, өнөө жил сэтгэх чадварын олимпиаднаас мөн л мөнгөн медаль хүртэж хос мөнгөөр 8-р ангиа үдлээ.
Эхний өдөр Бат-Амгалан 2-оноогоор түрүүлж яваад 2 дахь өдөр Мөнхбат бүтэн бодлого бодож түрүүлсэн. 8-р ангийн сурагчдын авсан оноо их чамлалттай бага байлаа.

2. 9-р ангийн олимпиад Батжаргадын Чимэдширчингийн ялалтаар өндөрлөсөн. Чимээ маань дээд ангидаа 2 дахь жилдээ дэвшиж, 2 жил дараалан түрүүлж байгаа билээ.
Н.Өлзийн нэрэмжит Дундговийн олимпиад, мөн Архангайн Хангайн бүсийн олимпиадуудаас алт, мөнгө, хүрэл медаль хүртэж байсан.
Бүсийн олимпиадууд, нийслэлийн олимпиадууд, Энхболдын улсын уралдаан зэрэгт амжилттай оролцож байсан, түрүү жил улсын математикийн олимпиадад дэвшин оролцож 16-р байр эзэлсэн.
2-р байранд Ичинхорлоо орсон бол 3-р байранд Галуут сумын нэг хүүхэд орсон. Ууганбаяр гэсэн байхаа.
Чимэдширчин нийт 19,5 оноо цуглуулсан нь анги дэвшсэн хүнд боломжийн сайн оноо гэж ойлгогдоно.

3. 10-р ангийн сурагчдын олимпиадад уламжлал ёсоороо Эрдэнэмээ 3 дахь удаагаа дэвшин түрүүллээ. Аймгийн олимпиадны өмнө хэд хэд бүтэлгүйтсэн ч аймгийн олимпиадад бол нэг зангарага гэж байдаг даа. Эхний өдрийн бодолтоороо л 14 оноо (2-бүтэн бодлого) авч 2 дахь өдөр мэдээлэл зүйн олимпиадад оролцсон байгаа.
Эрдэнэмаа бол маш олон шатны олимпиад уралдаанд оролцсон бөгөөд том олимпиаднаас медаль аваагүй л болохоос боломжийн сайн бодолт, боломжийн сайн байруудад шалгарч байлаа.
15-оноогоор түрүүлсэн Эрдэнэмаагийн араас 8-оноогоор Өнөболд аман хүзүүдлээ. Жил ирэх бүр байр нь урагшилж байгаа ч тогтмол сайн бэлтгэл хийдэггүй болохоор аварга бол маш хол байгаа нь харагдсан.

4. 11-р ангийн олимпиад өрсөлдөөнтэй болсон. Багахан оноотой бөгөөд, багахан зөрүүтэй... Ерөнхийдөө сүүлийн 2 жил Буяннэмэхийн давамгайлалд дуусч байсан энэ ангид Олонлогт очиж 3 сар бэлтгэл хийснийхээ дараа Буяннэмэхийн 3-р байраар өндөрлөлөө.
Гэхдээ мэдээж улсын олимпиадад оролцох эрх хүн бүрт нээлттэй байгаа. Буяннэмэх бол бүх шатны олимпиадуудад амжилттай оролцож байсан бөгөөд Говийн бүсийн олимпиадны хүрэл, нийслэлийн 48-р сургуулийн олимпиадны хүрэл зэрэг олон сайн амжилтууд гаргаж байсан хүн.

5. Мэдээлэл зүйн олимпиад сүүлийн 2 жил математиктай давхцаад их зовоож байна. Хойтонгоос бол Чимээ Мөнхбат 2 нас том болоод хүүхдүүд анги дэвшин орох шаардлагагүй тул нэг нь мэдээлэл зүйн олимпиадад оролцоод байх боломжтой.
Өнөө жил бол их эгзэгтэй байлаа, гэхдээ эхний өдөр математикийн асуудлаа дуусгасан Эрдэнэмаа 2 дахь өдөр мэдээлэл зүйрүү шилжин оролцож бүтэн бодлого бодон түрүүллээ.
Мэдээлэл зүйгээр 11 жил дараалан түрүү авлаа.
Би бас 2 дахь өдөр мэдээлэл зүйрүү хальт орж 1 цаг сууж 2 бодлого бодоод асуудлыг хурдан шийдсэн.
Нэмээд математикийн бага ангийн багшийн ангилалд Нарантуяа эгч түрүүлсэн болохоор улсын олимпиадад оролцох бүрэлдэхүүн ерөнхийдөө тодорхой боллоо.

Бас нэг сайн мэдээ байгаа нь 4-р сургуулийн нэрэмжит болон түрүү жилээс хойш зохиогдож байгааа 7 ба 8ш- ангийн аймгийн олимпиадад 8ш ангид Энхзаяа бүх бодлогоо бүтэн бодож түрүүлсэн бол 7-р ангид Дашдорж маань хүрэл медаль авсан байгаа. Ойрд медаль авч чадахгүй байсан Дашдорж маань саачирж буйгаа нотолсон нь сайн хэрэг. Энэ эрчээрээ бэлтгэлээ сайн хийвэл хойтон жил улсын олимпиадад орох шигшээ багт ч багтаж болох юм.

Ээлжит цуврал...

ЖО6. Номун далайн цуврал олимпиад Г.Далайгийн нэрэмжит болон энэ удаа аймгийн олимпиадны босгон дээр боллоо.

1. 11-р ангид Буяннэмэх дэвшин түрүүлсэн бол Сандагдорж 2 байр, Мөнхдалай 3-р байрт орсон байгаа. Энэ 3 сурагч түрүү жил аймгийн олимпиадад мөн эхний 3-д орсон. Одоо 2 хоногийн дараа аймгийн олимпиад бас л энэ 3-ынх болж магадгүй ээ.

2. 10-р ангид Өнөболд түрүүлсэн байгаа. Сарын өмнө Буяаг дийлээд, энэ удаа Ээмааг дийлээд 2 түрүүлчлээ. Аймгийн олимпиад мэдээж ийм хялбархан түрүү авахаар байхгүй, аварга болоход хүнд байх болно. Гэхдээ 2 удаа түрүү авч болж байхад 3 дахиа яагаад болохгүй гэж...

3. 9-р ангийн бодлого ч хүнд байсан, сурагчид ч хангалтгүй байсан. Түрүүлсэн Халиун ердөө 1.5 оноотой гэж байгаа. Гэхдээ дэвшсэн Мөнхбат бүтэн бодлоготой түрүүлэх байсан боловч буруу засагдсан тул алтаа авч чадсангүй ээ. Ийм жижиг олимпиаднаас битгий хэл том олимпиаднаас ч аварга авч байсан Мөнхбатад хотойх юу байхав.

4. 8-р ангид Чимэдширчин тасархай түрүүлсэн гэж байгаа, Бат-Амгалан удаалсан. Шилжилтийн 8-д Энхзаяа түрүүлсэн.

Ерөнхийдөө аймгийн олимпиад нэг иймэрхүү л болохнээ... өнөөдөр буюу 3-р сарын 26-д бага ангийн аймгийн олимпиад болж байгаа бол маргааш 7 ба шилжилтийн 8-р ангийн аймгийн олимпиад, нөгөөдрөөс ахлах ангиудын аймгийн олимпиад буюу улсын математикийн олимпиадны 2-ын даваа болноо.

ЖО5. Шинэ оны нээлтийн олимпиад уламжлал ёсоороо Номун далай цуврал байв. Жилийн өмнө л орж байсан санагдана (намар ороогүй).

1. Бага ангийхны хувьд "шинэ цэрэг" болох гэж байгаа В.Дансран 3-р ангидаа 3-р байр эзэлсэн бол Д.Ёндонжамц 4-д орсон сурагтай, Тамир муу байсан л гэнэ, өөртэй нь уулзагүй байна.

2. 8-р ангид Г.Мөнхбат 2-д орсон гэх юм, томоохон шийтгэл амсах нь дээ. Их амархан бодлогууд байна лээ гэж Чимэдширчин айлдсан.

3. 9-р ангид дэвшэн Б.Чимэдширчин дэвшээд түрүүлсэн бол Эрдэнэмаа өөрийнхөө ангид 3-д орсон сурагтай. Олонлог явж ирээд л дүүдээ даруулдаг болчлоо гэсэн үг үү... Чимээ АЛТНЫ бараа хараагүй 10 сар гаруй болсон.

4. Ч.Өнөболд 10-р ангидаа түрүүлж , Буяннэмэх 2-д орсон байх юм. Өнөө одоо Буяаг дийлээгүй хэдэн жил болсныг би лав мартжээ... Олонлог яваад л дийлддэг болчихсон юм байлгүй дээ. Энэ Дамбийням яаж явж байгаад 3-д орчив, өөрөөс нь л асуухаас, юу ч гэсэн баяр хүргье дээ...

5. 11-р ангид Энхбаяр 2-д орсон гэнүү, яаж?... үнэн эргэлзээтэй байгаа биздээ, ноднин бас Нацагдулам түрүүлж байсан юм, яаж түрүүлснээ өөрөө сайн ойлгохгүй байна л гэж байсан их сонион... Мөнхдалай дөнгөж 3-д гэнүү, бүүр их сонин юм болжээ...

за байр эзэлсэн бүх хүмүүст баяр хүргье. Одоо 1-р сургууль дээр нэг гаагүй том олимпиад болдог биздээ. Бодлого нь гаагүй, засдаг хүмүүс нь гаагүй болохоор тэр олимпиад саяынх шиг инээдмийн жүжиг арай болохгүй биз. Тэгээд араас нь аймгийн олимпиадтай...

ÒÎ7. Ìîíãîë Óëñûí íýðò ìàòåìàòèê÷ Ïàãìûí Ýíõáîëäûí íýðýìæèò óëñûí 11-ð óðàëäààí 2010 îíû 12 ñàðûí 4, 5-ä óëàìæëàë ¸ñîîðîî 32ð ñóðãóóëü äýýð áîëæ ºíãºð뺺. Îëèìïèàä 2 æèëä 1 óäàà áîëäîã áºãººä íýýëòòýé áîëäîãîîðîî Ìîíãîë óëñûí õàìãèéí îëîí îðîëöîã÷òîé îëèìïèàä íü þì. Ìàíàé 6 õ¿¿õýä î÷èæ îðîëöîñíîîñ:

1. 5-ð àíãèéí ñóðàã÷ Ã.Òàìèð 5 îíîîãîîð 6 áàéðò øàëãàðëàà. Óëñûí õàìãèéí òîì îëèìïèàäàä îðîëöîîä îëîí óëñûí îëèìïèàäàä îðîëöäîã áÿöõàí ìàòåìàòèê÷èäòàé ºðñºëäºæ èéì ºíäºð àìæèëò ãàðãàñàí íü ò¿¿íèé õýð èõ õºäºëìºð ãàðãàæ áàéãààã, õýð èõ ºñºæ õºãæèæ áàéãààã èëòãýæ áàéíà.

2. 10-ð àíãèéí ñóðàã÷ Ì.Áóÿííýìýõ óãààñàà àìæèëòòàé îðîëöäîã 11-ð àíãèäàà 6-ð áàéðò øàëãàðñàí. Ýíý óäàà îëèìïèàäíû òîì àíãèéõíû áîäëîãî ìàø õ¿íä áàéñàí áºãººä 11-ð àíãèä 9 õ¿¿õýä ë îíîî àâñàí. ̺í 10-ð àíãèäàà 22-ä îðñîí. Óãààñàà 11-ð àíãèä 6-ààñ õîéø, 10-ð àíãèäàà 20-îîñ óðàãø îðîõã¿é ë áàéãàà äàà.

3. 8-ð àíãèéí ñóðàã÷ Á.×èìýäøèð÷èí 7.5 îíîîãîîð 7-ð áàéðò øàëãàðñàí. Ñ¿¿ëèéí 3 òîìîîõîí îëèìïèàäàä ìåäàëü àâàõàä áàãàõàí ë àç äóòààä áàéãàà äàà. Ýíý óäàà õàìãèéí õýö¿¿ áîäëîãûã íü ãàíöààðàà á¿òýí áîäñîí.

4. 8-ð àíãèéí ñóðàã÷ Áàò-Àìãàëàí 1.5 îíîîãîîð 20-ð áàéð, Ã.̺íõáàò 1 îíîîãîîð 27-ð áàéð ýçýëñýí àìæèëò ãàðãàëàà.

Энхзаяагийн эхлэл...

Улаанбаатарын 48-р сургуулийн нэрэмжит уламжлалт олимпиад 2010 оны 10 сарын 30-нд явагдаж өндөрлөлөө. Тус олимпиад манайхан 10 хүний бүрэлдэхүүнтэйгээр оролцоод ирлээ. Олимпиад нийслэлд болж байгаа гэдэг утгаараа хотын бүх сургуулиад нэмээд Дархан зэрэг хүчтэй багууд өрсөлдсөн бөгөөд анги тус бүрд 160-аас 330 орчим хүүхдүүд орж байсан.



1. Мөнхжаргалын Буяннэмэх маань 10-р ангиасаа 11-р ангид дэвшин өрсөлдөж ХҮРЭЛ МЕДАЛЬ хүртсэн сайхан амжилт гаргалаа.

2. Баттулгын Энхзаяа маань 8-р ангидаа (12 жилийн) мөн ХҮРЭЛ МЕДАЛЬ авч том олимпиадныхаа амжилтын буухиаг эхлүүллээ.

3. Ч.Өнөболд. 11-р ангид дэвшин 8-р байр эзэлж, 10-р ангидаа 51-р байрт шалгарав.
4. М.Буяннэмэх 10-р ангидаа 27-р байр эзэллээ.
5. Н.Эрдэнэмаа 9-р ангидаа 16-р байр, 10-р ангид 43-р байр эзлэв.
6. Б.Чимэдширчин 8-р ангидаа (11 жилийн) 13-р байр эзэлж, 9-р ангид 33-р байр эзлэв.
7. Г.Мөнхбат 8 болон 9-р ангид тус бүр 45-р байр эзэлсэн.
8. Б.Энхзаяа 8-р ангид (11 жилийн) 50-р байрт шалгарсан.

гэсэн амжилтуудыг үзүүлэв. Багш нарын ангилалд би өөрөө 4-р байр эзэлсээн.

Багаараа авсан анхны медаль

ДО4. МУГБ М.Банзрагчийн нэрэмжит Говийн бүсийн 9-р олимпиад. 2010-10-09, 10-нд Даланзадгад сумын 1-р бүрэн дунд сургууль.

1. Гантулгын Мөнхбат АЛТАН медаль. ( 8[11]-р анги)
2. Ганзоригийн Тамир МӨНГӨН медаль. (5-р анги)
3. Мөнхжаргалын Буяннэмэх ХҮРЭЛ медаль. (10-р анги)
4. С.Мөнхдалай 5-р байр. (11-р анги)
5. Ч.Өнөболд 5-р байр. (10-р анги)
6. Н.Эрдэнэмаа 5-р байр. (9-р анги)
7. Д.Бат-Амгалан 7-р байр. (8[11]-р анги)
8. А.Жамбалдорж 11-р байр. (7-р анги)
9. Т.Дашдорж 11-р байр. (7-р анги)

Дундын багшийн төрөлд би өөрөө түрүүлж математикаар томоохон олимпиаднаас анхны алтаа авлаа.

Манай баг 4 аймаг, 25 баг, 1369 оролцогчоос багаараа 3-р байранд орсноор багаараа анх удаа медаль авч үзлээ. Манай баг ч урагшилж байна даа, улам л хүчтэй болсоор байна.

Дундговийн 10-р олимпиадад манайхан...

ТО6. МУГБ Н.Өлзийн нэрэмжит 10-р олимпиад 9-р сарын 25-нд.

1. Г.Ариунболд 3-р анги. Түрүү жилийнхээс ахисан нь ямар ч байсан олимпиадад оролцож байгаагаа мэдээд байх шиг байсан. Түрүү жил бол зугаалж яваа л гэж ойлгоод ямар ч ноорог цаас хэрэглэлгүй, бараг л юм бичиж хураалгүй л юм шиг байсан. Өнөө жил 3 бодлого бодох гэж оролдоод, өөрөө бол бодчихоор байсан гэж яриад... өгүүлбэр энэ тэрийг нь буруу зөрүү дутуу ойлгоод байна лээ. Олимпиаднаас олимпиадад туршлагажин сайжирсаар л байна байх. Энэ жил ямар ч байсан 1 оноо авч сүүлийн байранд орсон хүүхдүүдийн хамт бичигдсэн...

2. Д.Ёндонжамц 5-р анги. Түрүү жилийнхээс уруудсан... бэлтгэлээ муу хийсэн тул арга ч үгүй биз. Түрүү жил нэлээд хэдэн хүүхэдтэй тэнцэж 4-өөс 10 орчим байрт шалгарахдаа 10 оноо авч байсан бол өнөө жил 3 оноо авчээ. Нэг бодлого бодох гээд төгсгөл хэсэгт нь алдаа гаргаж тал оноо авсан. Түүний ангилалд 97 сурагч оролцосноос 23-р байрт шалгарах амжилт үзүүлэв.

3. Г.Тамир 5-р анги. Нөр их хөдөлмөр зүтгэл гаргасан ч энэ удаа тааруухан байж ганц амархан бодлого л бодож 5 оноо аваад 12-р байранд оров. Түрүү жилийнхээс амжилт ухарсан ч олимпиад бол хайнга байж болохгүй юм байна гэдгийг өөрт нь ойлгуулсан байхаа. Уг нь энэ жил их дээгүүр амжилт гаргах болов уу гэж бодож байсан... тэргүүн байруудыг хотын сайн сургуулийн хүүхдүүд авсан ч Тамирын авсан оноо, эзэлсэн байр их л муу байна даа.

4. Б.Цэен-Ойдов 7-р анги. Дөнгөж л миний гар дээр ирж байгаа шинэ сурагч. Яахав том олимпиадад анх удаа орж өрсөлдөөн гэж юу байдгийг мэдэрсэн л байх. 3 оноо авч 38-р байрт шалгарсан. Түүний ангилалд хамгийн олон буюу 105 сурагч оролцсон.

5. А.Жамбалдорж 7-р анги. Миний гар дээр ирээд бас л их удаагүй байгаа шинэ цэрэг. Нэг амархан бодлогыг нь бодоод 20-д орох хэмжээнд хүрсэн. Том олимпиад гэж ийм юм байдаг юм байна, үүнд амжилт гаргахын тул их бэлдэх хэрэгтэй юм байна гэж ойлгож авсан л бол энэ удаа амжилт гаргасан гэж үзэж болно.

6. Б.Энхзаяа 8ш анги. Бас л зунаас л бэлтгэл хийж эхэлсэн. Энэ удаагийн бодлогууд нь уг нь амархан л юм байна лээ. Гэхдээ олимпиадад оролцсон нийт оролцогчид бага оноо авсан. Манай хүн ч 2 оноо л салгаж 16-р байрт шалгарсан байна лээ. Амархан бодлогуудаас ганц нэгийг нь бүтэн бодвол их л дээгүүр орох боломж ойрхон байлаа.

7. Б. Чимэдширчин 8ү анги. За тэрээр сүүлийн 2 жилд оролцож буй бүхийл олимпиадуудад өндөр амжилттай оролцож байгаа. 3 удаа бүсийн том олимпиад дараалж медаль авна гэдэг бас л бэрх амжилт шүү дээ. Тэгээд ноднин мөнгө авахад нь өөрийнх нь урд орж байсан хүүхдийг хол хаяж УБ-ын 1-р сургуулийн 8-р ангийн шигшээ багийнхны дундуур ганцаараа шургаж 2-той нь ана мана үзсээр хүрэл дээр үлдэв. Үндсэндээ бүх бодлогоо зөв бодсон. Яахав засаж болохоор маш жижиг жижиг алдаануудаас болж салгалтанд өртөж хүрэлрүү ухарсан. Үнэхээр их ахиж дэвжсэн нь ойлгомжтой харагдаж байсан.

8. Н.Эрдэнэмаа 9-р анги. Ноднингоос анхисан ганцхан зүйл л ажиглагдсан. Ноднин 5-д орчоод маш их баярлаж байсан бол энэ жил 5-д орчоод уурласан. Энэ нь илүү амжилт гаргах зорилттой байсныг нь илтгэнэ. Энэ бол дэвшил... Монголчууд онгироодоо ногт ганзагалаад наадам хэсдэггүй байж таараа шүү дээ... 7 оноо авч 5-д ороход нь урд 4 хүүхэд нь нэлээд хол зайтай байсан. УБ-ын 1-р сургуулийн 3 хүүхэд, Өвөрхангайн нэг хүүхэд... Том амжилт гаргая гэж бодож байвал түүндээ таарсан том бэлтгэл хийхгүй бол амжилт ч үгүй, Чимээгийн ард байсаар л хайран сайхан цаг хугацааг дуусгах нь дээ...

9. М.Буяннэхэх 10-р анги. Анх удаа энэ олимпиадад орж байгаа ч сайн оролцсон. 7,5 оноогоор 6-р байр. Өмнө нь 1-р сургуулийн 3 хүүхэд ... гэх мэтээр орсон. Энэ удаа бэлтгэл нэлээд сайн байсан тул түүнд их л найдаж байв. Гаргасан амжилт нь бэлтгэлээ энэ янзаараа сайн хийгээд байвал томоохон юм дуулгах хэмжээнд байгааг харуулсан. 1-р сургуулийн 10-р ангийн шилдгүүд гэдэг бол улсын олимпиадны аварга хэн болох бэ? гэдгийг л шийддэг хүмүүс шүү дээ...

10. С.Мөнхдалай 11-р анги. Түрүү жилийнхээс суга өссөн амжилтыг энэ хүн л үзүүллээ. Түрүү жил 20-иод хоногийн л бэлтгэлтэйгээр шинэ цэрэг олимпиадад зодоглож авах ёстой 0 оноогоо авч байсан бол нэг жилийн дараа шал өөр нэгэн болж 8 оноо авч 7-р байрт шалгарав. Түүний өмнө гэхэд л улсаас медаль авч байсан бүсийн медальтай нөр их туршлагатай, олон жил хичээлэлсэн хүмүүс орж байгаа. Манай хүн ганцхан жил л математикаар хичээллэж байна шүү дээ... Нэг "цикл тэнцэтгэл биш" гэдэг юмаар л их амжилт үзүүлж байна даа. Хавар аймгийн олимпиад дээр түрүү жилийн аварга Буяаг яг нь энэ техникээрээ буулгаж авсан бол энэ удаа мөн л тус техникээ ашиглан амжилт гаргаж чадлаа...

2010 оны аймгийн олимпиадууд дууслаа...

ДО3. 2009-өөс 2010 оны хичээлийн жилийн аймгийн бүх ангиудын олимпиад дууслаа.
3 сарын 20-д бага ангиудын, 4-р сарын 1, 2-д ахлах ангиудын, 4-р сарын 10-д үндсэн ба дэвшилтийн 7-р ангиудын олимпиад боллоо.

1. М.Гончигдорж 11-р ангийн аймгийн АВАРГА.
2. Ц.Дулмасүрэн 11-р ангийн мөнгөн медаль.
3. С.Мөнхдалай 10-р ангийн аймгийн АВАРГА.
4. М.Буяннэмэх 10-р ангийн мөнгөн медаль (анги дэвшиж).
5. Н.Эрдэнэмаа 9-р ангийн аймгийн АВАРГА (анги дэвшиж).
6. Ч.Өнөболд 9-р ангийн хүрэл медаль.
7. Б.Чимэдширчин 8-р ангийн аймгийн АВАРГА (анги дэвшиж).
8. Г.Мөнхбат 8-р ангийн мөнгөн медаль (анги дэвшиж).
9. Г.Мөнхбат 7-р анийн аймгийн АВАРГА (үнэмлэхүйн аварга гэдэг шагнал нэмж авсан).
10. Б.Чимэдширчин 7-р ангийн мөнгөн медаль.
11. Г.Тамир 4-р ангийн хүрэл медаль.
12. М.Гончигдорж мэдээлэл зүйн олимпиадны аймгийн аварга.

Тамир давхар ялалт байгуулжээ...

ЖО4. Шинэ оны олимпиад уралдаануудын анхны гараа 1-р сургуулийн цуврал олимпиадаар нээлтээ хийлээ.

1. Г.Тамир алт (4-р анги)
2. Д.Ёндонжамц хүрэл (4-р анги)
3. Г.Мөнхбат хүрэл (7-р анги)
4. Б.Чимэдширчин алт (8-р ангид дэвшиж)
5. Т.Халиунаа хүрэл (8-р анги)
6. С.Мөнхдалай алт (10-р анги)
7. Д.Нацагдулам алт (11-р анги)
8. Н.Булгантамир хүрэл (11-р анги)
9. Д.Бат-Амгалан тусгай байр. (7-р анги)
10. М.Буяннэмэх тусгай байр. (10-р ангид дэвшиж)

6 сараас хойш бараг завсарлагагүй бэлтгэл сайн хийсэн Тамир амжилт гаргаж эхэлж байна. Тэрээр сэтгэх чадварын олимпиадад мөн түрүүлснээр энэ өдөр давхар ялалт байгууллаа. Мөн Мөнхдалай бэлтгэлийнхээ үр шимийг үзэж эхэлж байна, энэ бол өчүүхэн жижиг олимпиад шүү дээ цаашдаа үүнээс том амжилт гаргахын тулд үүнээс их бэлтгэл хийцгээх шаардалагтай байна.

Зарим хүүхдүүдийн дүнг мэдэж чадаагүй байна!

Гомдлоо тайллаа

ТО5. Алдарт математикч, багш А.Нямринчингийн нэрэмжит төвийн бүсийн математикийн 9-р олимпиад Архангай аймагт уламжлал ёсоороо 2009 оны 10-р сарын 10, 11-д амжилттай явагдаж өндөрлөв. Энэ олимпиадад:

1. Батжаргалын Чимэдширчин 1-р байр. Номгон сургууль, 7-р анги. (19 оноо)
2. Мягмарсүрэнгийн Гончигдорж 3-р байр. Номун далай сургууль, 11-р анги. (6.5 оноо)
3. С.Мөнхдалай 5-р байр. Эрдэнэмандал сургууль, 10-р анги.(4 оноо)
4. П.Юмжирдулам 7-р байр. Номун далай сургууль, 7(д) анги. (7 оноо)
5. Ч.Өнөболд 7-р байр. Номгон сургууль, 9-р анги. (2 оноо)
6. Д.Бат-Амгалан 8-р байр. Номгон сургууль, 7-р анги. (3 оноо)
7. Т.Халиунаа 8-р байр. Номундалай сургууль, 8-р анги. (4.5 оноо)
8. Н.Эрдэнэмаа 13-р байр. Номгон сургууль, 8-р анги. (1.5 оноо)

9. Багаараа 36 оноогоор 6-р байр. (1+3+5+7+7+13=36)
10. Багийн тэмцээнд 6.6 оноогоор 5-р байр.

Анги бүрт 2 өдөр тус бүр 6 онооны нийт 6 бодлого бодогдож 36 онооны төлөө өрсөлдсөн. манай Чимэдширчин 2 өдөр гялалзсан сайхан бодолт үзүүлж алтан медаль хүртэж миний гомдлыг тайлж өглөө. Намайг 7 жилийн өмнө түрүүлчээд байхад бодлогоо буруу засаад 2-д оруулж байсан түүх бий. Тэр үед би түрүүлсэн бол манай баг багаараа 3-д орох байлаа. Дараа жил дагаа нэхэж тэр багаараа орж чадаагүй байрандаа орноо. title авах ч боломж их байгаа.

Дундговийн улсын нээлтэй урадаанд анх удаагаа...

ТО4. Дундговь аймгийн Н.Өлзийн нэрэмжит 9-р олимпиад 2009 оны 09-р сарын 26, 27 амжилттай явагдаж өндөрлөлөө. Тус олимпиадад:

1. Б.Чимэдширчин МӨНГӨН медаль. Номгон сургууль, 7-р анги. Мөн "нэрэмжит бодлогын шагнал" авсан. (11 оноо)
2. Ч.Өнөболд 4-р байр. Номгон сургууль, 9-р анги. (3.5 оноо)
3. Д.Ёндонжамц 4-р байр. Номундалай сургууль, 4-р анги. (10 оноо)
4. Г.Тамир 4-р байр. Баян-Ойт сургууль, 4-р анги. (10 оноо)
5. Н.Эрдэнэмаа 5-р байр. Номгон сургууль, 8-р анги. Мөн "уран бодолтын" тусгай шагнал хүртсэн. (5 оноо)
6. Д.Бат-Амгалан 6-р байр. Номгон сургууль, 7-р анги. Мөн "нэрэмжит бодлогын шагнал" авсан. (6 оноо)
7. П.Юмжирдулам 7-р байр. Номундалай сургууль, 7(д)-р анги. (7 оноо)
8. М.Гончигдорж 7-р байр. Номундалай сургууль, 11-р анги. (1 оноо)

Анги бүрт тус бүр 5 онооны 4 бодлого бодогдсон.

IOI21

Олон улсын Мэдээлэл зүйн 21-р олимпиад (International Olympiad in Informatics) болоод өндөрлөж байна. Тус олимпиадад Монголчууд бүрэн бүрэлдэхүүнээр буюу 4 сурагчтайгаар оролцов. За тэгээд манай Жамсрандорж эхний өдөр тааруухан бодолт хийснээр миний мэдэж буйгаар Монголчууд 3 дахь жилээ медальүй ирэв, үүнээс хойш 2 жил медалийн бараа харахгүй гэдгийг би бас мэдээд байгаа мэтээ. Олимпиадад 81 орны 300 оролцогч өрсөлдөснөөс
1 Henadzi Karatkevich Belarus 743
2 Kazuhiro Hosaka Japan 729
3 YiHan Gao China 721
3 ZiChao Qi China 721
5 Dong Gu Kang Korea 710

амжилтаар эхний 5 байр эзэлсэн бол манай орны оролцогчид болох Монгол улсын 2 удаагийн аварга IOI-д 3 дахиа оролцож буй Дарханы Б.Амар 359 оноогоор 177-р байрт, манай Д.Жамсрандорж 224 оноогоор 238-р байр, Хөвсгөлийн Д.Өсөхбаатар 210 оноогоор 247-р байр, Дарханы У.Наранбаяр (10-р ангид орно) 170 оноогоор 263-р байрт шалгарав.Нийт оролцогчдоос 616 онооноос доошгүй оноо авсан 26 оролцогч (нийт оролцогдын 1/12) алтан медаль,490 онооноос доошгүй оноо авсан 50 оролцогч мөнгөн медаль (нийт оролцогдын 1/6), 399 онооноос доошгүйй оноо авсан 73 оролцогч хүрэл медаль хүртэв (нийт оролцогдын 1/2 нь медаль авна).

Сэрчинмаагийн рекорд...

ДО2. 2009 оны Монгол улсын элсэлтийн ерөнхий шалгалт 6-р сарын 5-аас 7-ны хооронд явагдав. ЭЕШ-ын математикийн төрөлд Баянхонгор аймгаас 1-р байрыг Нямдоржийн Сэрчинмаа 76% гүйцэтгэлтэйгээр эзэлж Номгон сургууль болон Баянхонгор аймгийн рекорд амжилтыг шинэчлэн тогтоов. Д.Жамсрандорж 75%-аар 2-р байрт орсон ба Баянхонгор аймгийн урьд нь байсан рекорд 72% байсан билээ. Золбоогийн Буяндэлгэр 71% гүйцэтгэлээр 3-р байр эзэлсэн ба энэ амжилт нь түүний төгсөж буй Хонгор лецей сургуулийнх нь рекорд амжилт төдийгүй Эрдэнэмандал сургуулийн дээд амжилт гэхэд л 66% (Г.Отгончимэг 2006 он) байдаг билээ.

Дэвшсэн Эрдэнэмаа 2 дахь өдрийн бодолтоороо шилдгүүдийн тоонд багтав.

ТО3. Хандын Гэндэнжамцын нэрэмжит Монголын математикийн 45-р олимпиад Дорноговь аймгийн Сайншанд суманд 2009 оны 5-р сарын 10-аас 15-ны хоорндоо явагдаж өндөрлөв. Тус олимпиад нь 2001 оноос хойш Улаанбаатараас өөр газарт болж буй анхны олимпиад юм. 45-р олимпиадад манай аймгийн багийн ахлагчаар миний бие, гишүүдээр Баян-Ойт сургуулийн бага ангийн багш П.Нарантуяа, Номундалай сургуулийн 10-р ангийн сурагч М.Гончигдорж (11-р ангид дэвшиж), Номгон сургуулийн 10-р ангийн сурагч Ч.Мөнхбаатар, Номгон сургуулийн 8-р ангийн сурагч М.Буяннэмэх, Номгон сургуулийн 7-р ангийн сурагч Н.Эрдэнэмаа (8-р ангид дэвшиж) нарын бүрэлдэхүүнтэй оролцож хамгийн бага оролцогч Нямдоржийн Эрдэнэмаа маань амжилттай оролцон 2 дахь өдрийнхөө бодолтоор 7-р байр эзлэн нийт дүнгээрээ 25-р байрт шалгарав. Түүний энэ амжилт сүүлийн нэлээд хэдэн жилийн хугацаанд гаргаж буй Баянхонгор аймгийн хамгийн сайн амжилт бөгөөд багийн бусад оролцогчид чамлалтай амжилт гаргав. "Мянга сонсохоор нэг үз" гэдэг. Сурагчид маань нас багын дээр том олимпиадны туршлагагүй байсан тул энэ олимпиадад оролцосон нь сэтгэлзүйн болон ур чадварын хувьд маш том дэвшил болсон юм. Одоо бол хэнтэй өрсөлдөж буйгаа, улсын олимпиад ямархуу түвшинд болдог, яаж бэлдвэл зохиолтойг сурагчид маань дор бүрнээ ойлгосон тул дараагийн жил Ховдын цэнхэр хязгаарт болох Тугалын Жанлавын нэрэмжит Монголын Математикийн 46-р олимпиаднаас эхлүүлэн аймгийн маань амжилт тасралтгүй дээшилж сайн амжилтанд хүрч чадах бүрэн боломж байгаа нь харагдаж байна.

Бас дахин дээд амжилтууд...

ТО2. Монгол улсын Мэдээлэл зүйн 23-р олимпиад 2009 оны 5-р сарын 9-өөс 11-ний хооронд Улаанбаатар хотноо болж өнгөрөв. Тус олимпиадад Номгон дунд сургуулийн 11-р ангийн сурагч, Мэдээний цаг бүлгийн гишүүн, Алгоритм сургалтын төвийн суралцагч, Монголын мэдээлэл зүйн 22-р олимпиадны хүрэл медальт, Баянхонгор аймгийн мэдээлэл зүйн олипиадны 3 удаагийн аварга Дагвадоржийн Жамсрандорж амжилттай оролцосн МӨНГӨН МЕДАЛЬ хүртэв. Ингэснээр тэрээр 8-р сард Болгар улсад болох Олон Улсын Мэдээлэл зүйн олимпиадад оролцох эрхтэй болж байгаа ба өөрийн сонгосон Монгол Улсын Их Сургуулийн Мэдээллийн Технологийн Сургуульд урилгаар элсэн орж төлбөргүйгэр суралцахаар болж байгаа билээ. Хэдхэн хоногийн өмнө Баянхонгор аймагт 3 дахь удаагаа түрүүлж дээд амжилт тогтоосон бол энэ удаа мөн л улсаас 2 дахь медалиа авч дээд амжилт тогтоож байгаа Жаамаадаа цаашдаа улам илүү хөдөлмөрлөж ихийг сураарай, олон улсынхаа олимпиадад өндөр амжилт гаргаарай гэж хүсэн ерөөе.

Мөн тус олимпииадны багш нарын төрөлд өөрийн багш Г.Нямдаваагийнхаа хүслийг биелүүлэн түрүүлж, мэдээлэл зүйгээр Баянхонгор аймгаас төрсөн анхны аварга багш болсон ба Монгол улсын хамгийн залуу аварга багш болж чадсан маань нь бас л сайхан хэрэг шүү.
Хойтон жил Улсын Мэдээлэл зүйн олимпиад анх удаа нийслэлээс өөр газарт болох бөгөөд Дархан хотод болох Монголын Мэдээлэл зүйн 24-р олимпиаддаа амжилттай бэлдэн 3 жил дараалан аваад байгаа медалийн бухиагаа цааш үргэлжлүүлэхийн төлөө хичээхийг холбогдох хүмүүст уламжлая.

Буяа, Ээмаа хоёр дээд ангийнхнаа манлайлав.

ДО1. Монгол улсын төрөлжсөн хичээлүүдийн олимпиадуудын 2-ын даваа буюу Баянхонгор аймгийн 2009 оны аваргуудыг шалгаруулах олимпиад 2009 оны 4 сарын 17-19 нд явагдав. Тус олимпиадны математикийн төрлийг улсын олимпиадны жишгээр анх удаа 7-оос 11-р ангийн ангилалд явуулав. Алгоритм сургалтын төвийн сурагчдаас Номгон сургуулийн 7-р ангийн сурагч Нямдоржийн Эрдэнэмаа 8-р ангид дэвшин өрсөлдөж, Номгон сургуулийн 8-р ангийн сурагч Мөнхжаргалын Буяннэмэх 9-р ангид дэвшин өрсөлдөж, Дагвадоржийн Жамсрандорж 11-р ангидаа тус тус түрүүлж Баянхонгор аймгийн аварга математикч гэдэг хүндтэй цолонд хүрцгээв. Мөн мэдээлэл зүйн олимпиадад Жамсрандорж 3 дахь удаагаа аймгийн аварга болсон бол Номун далай сургуулийн 10-р ангийн сурагч Мягмарсүрэнгийн Гончигдорж мөнгөн медаль хүртэв. Түрүүлсэн сурагчид бүгд улсын олимпиадад оролцох эрхтэй болж буй хэрэг билээ.

Ёндкогийн анхны медаль

ЖО3. Баянхонгор аймгийн Номун далай сургуулиас зохион байгуулдаг У.Ойдовын нэрэмжит олимпиад 2009 оны 4-р сард болов. Тус олимпиадад:
1. Д.Жамсрандорж 1-р байр, 11-р анги.
2. М.Гончигдорж 2-р байр, 10-р анги.
3. М.Буяннэмэх 1-р байр, 9-р анги. (дэвшсэн)
4. Н.Эрдэнэмаа 2-р байр, 8-р анги. (дэвшсэн)
5. Т.Халиунаа 1-р байр, 7-р анги.
6. Д.Бат-Амгалан 2-р байр, 6-р анги.
7. Б.Чимэдширчин 3-р байр, 6-р анги.
8. Д.Ёндонжамц 3-р байр, 3-р анги.

Энэ олимпиадад Ёндонжамц медаль авсан нь түүний сурагч болсноос хойших анхны медаль бөгөөд энэ эрчээрээ урагшилсаар хэзээ нэгэн цагт "маш том" медаль авахаараа өөртөө жигүүр ургуулж өгсөн энэ медалиа дурсахад сайхан байна байхаа.

Мөн энэ үеэр болдог уламжлалт мэдээлэл зүйн олимпиадад Номун далай сургуулийн 10-р ангийн сурагч М.Гончигдорж түрүүлж, Номгон сургуулийн 8-р ангийн сурагч М.Буяннэмэх үзүүрэлж мэдээлэл зүйн төрөл дахь анхны медалиудаа авлаа. Монгол улсын Аварга Мөнгөншагай 2 жилийн өмнө яг энэ олимпиаднаас нэг доор 2 алтан медаль хүртэж, хэдхэн хоногийн дараа амгийн аварга болж 7 хоногийн дотор 3 алтан медаль авснаар Монгол улсын аварга болох замаа засч байсан сайхан түүх байдаг юм.

Мөнхжаргалын Буяннэмэх Номгон сургуулийн рекорд амжилтыг шинэчлэв

ТО1. Монгол улсын нэрт математикч агсан Пагмын Энхболдын 50 насны ойд зориулсан улсын 10-р уралдаан 2008 оны 12-р сарын 20, 21-д Улаанбаатар хотноо явагдлаа. Тус олимпиадад Баянхонгор аймгаас анх удаа өргөн бүрэлдэхүүнтэйгээр оролцлоо. Алгоритм сургалтын төвийн суралцагчид болох А.Баярхүү (1-р сур, 11-р анги), М.Гончигдорж (1-р сур, 10-р анги), Д.Нацагдулам (1-р сур, 10-р анги), М.Сандагдорж (1-р сур, 9-р анги), Э.Мөнхжавхлан (1-р сур, 9-р анги), Ч.Өнөболд (2-р сур, 8-р анги), Мянганбуу (2-р сур, 8-р анги), М.Буяннэмэх (2-р сур, 8-р анги), Н.Эрдэнэмаа (2-р сур, 7-р анги), Т.Өлзийхишиг (1-р сур, 7-р анги), Т.Халиунаа (1-р сур, 7-р анги), Б.Ичинхорлоо (1-р сур, 7-р анги), Б.Чимидширчин (2-р сур, 6-р анги), Элдэв-Очир (2-р сур, 5-р анги), Э.Отгонжаргал (2-р сур, 5-р анги), Д.Ёндонжамц (1-р сур, 3-р анги) гэсэн 16 сурагч улсын чанартай олимпиадад анх удаа орцосноос Баянхонгор аймгийн "Номгон" ахлах сургуулийн 8-р ангийн сурагч МӨНХЖАРГАЛЫН БУЯННЭМЭХ 9-р ангид дэвшин өрсөлдөж шагналт 4-р байр эзлэв. Буяннэмэх маань Баянхонгор аймгийн сурагчдаас П.Энхболдын нэрэмжит уралдаанаас өндөр амжилт гаргаж буй анхны сурагч бөгөөд үүний өмнө 1996 онд Номун далай сургуулийн сурагч Г.Баярмагнай Монгол Улсын Математикийн олимпиаднаас 10-р ангид сурч байхдаа хүрэл медаль хүртэж байв. Ийнхүү улсын хэмжээний олимпиаднаас Номгон сургуулийн сурагч Буяннэмэх шангалт байрт шалгарснаар тус сургуулийн сурагчдаас математикийн төрлөөр үзүүлж буй хамгийн өндөр амжилт нь болж буй хэрэг билээ. Цаашдаа улам хичээн суралцаж Монгол Улсын Олимпиаднаас медаль авчраарай гэж хүсэн өрөөе!