Баянхонгор аймгийн бага ангийн математикийн олимпиадыг миний мэдэхийн л 3-р сургууль уламжлал болгон зохион байгуулсаар өдийг хүрсэн. Талст сургууль гэж байхад 5, 6-р (одоогоор бол үндсэн ба дэвшилтийн 7-р анги) ангийн олимпиад гэж болдог байж байгаад завсарлаад хэдэн жил боллоо. 2003 онд төрөлжсөн олимпиадуудын дүрэм, журманд өөрчлөлт орсноор улсын бараг бүхий л олимпиадууд 9 ба 11-р ангиудад (математик, мэдээлэл зүй лав өөр) л зөвхөн явагддаг болсноор манай аймаг ч энэ жишгийг дагах хэрэгтэй болсон. Ингээд бүхэл бүтэн аймаг байж 6, 7, 8, 10-р анги гэсэн 4 ангидаа аваргаа шалгаруулахгүй хэмжээнд хүрч хүүхдүүдийн өсөн дэвжихийг боломж бололцоог сааруулж, дур сонирхолыг нь унтрааж байв. Дунд ангид орсноосоо хойш 2-хон удаа аваргаа шалгаруулсан "азгүй" үеийнхэн гэж байгаа шүү дээ.
Түрүү жилээс Монгол улсын математикийн олимпиадад нийцүүлэн 8-аас 11-р ангидаа аварга шалгаруулж байхаар болсон бол өнөө жил орхигдоод байсан 6 ба 7-р ангиудад (шилжилтийн болон үндсэн 7-р анги) олимпиад зохион байгуулагдах болсноор манай аймаг бүх ангидаа "аваргаа" шалгаруулдаг боллоо. 6 ба 7-р ангийн олимпиад нь шинэхэн байгуулагдсан "Эрдэм" ахлах (4-р сургууль) сургууль дээр 4-р улирлын эхээр явагдахаар (маргаашнаас хугацаа нь тогтоогдоно) болсон ба энэ удаа амжилттай болбол тус олимпиад нь уламжлал болон өргөжөөд явах байхаа. Энэ жилийн олимпиаддаа амжилттай бэлтгэн, амжилттай сайхан өрсөлдөхийг 6 ба 7-р ангийн нийт сурагчидаасаа хүсье!
Subscribe to:
Post Comments (Atom)
No comments:
Post a Comment