Эрх чөлөөгөө эдэлнээ...

За юу ш дээ нөхдүүдээ өнөөдөр ямар чухал өдөр гэж сананаа. Би блог дээрээ юу ч бичсэн хэн ч надад "боль" гэж хэлж болохгүй нийгэмрүү шилжисний 20 жилйин ой болж байна. Одоо намайг хэн ч хянаж шалгахгүй, боль гэж хэлбэл би урдаас нь "хуц" гэж хариулна. Тэгж хэлсний төлөө намайг хэн ч барьж аваад донгодохгүй!
Хэрэв бид 20 жилийн өмнө амьдарч байсан бол би:
"энэ хүүхдүүдийн мэдлэг их муу байна, энэ багш нар нь юугаа сургаж байсан юм" гээд намайг ээлжит нэгэн шүүмжлэлээ өрнүүлэнгүүт шууд л маргааш нь дуудаж авч яваад "ахаа больё, дахиж тэгж хэлэхгүй" болгох байсан шүү дээ. Үүний эцэст би дахиж тэгж хэлэхээ болихоор барахгүй, түүгээр ч барахгүй дахиж тийм зүйл бодохгүй ... өөрөөр хэлбэл "зөв сэтгэх" хориотой, харин дарга нарын даалварыг л үг дуугүй биелүүлэх ёстой... ингээд л бид хаашаа яваад байгаагаа ч мэдэхгүй, урагшлах ёстой гэсэн хүнийхээ амыг таглаад л амьдраад байвал ямархуу байна бэ? Зарим нэг засрашгүй амьтад нь (Чойном мэтийн) тэнэгтсээр байгаад (яг үнэндээ бол маш их ухаантайпсаар) амаа бүр мөсөн бариулдаг... ийм аймшигтай нийгмээс бид салж чадсан... Бид ямар азтай бэ?
Цэцнүүдийн дунд тэнэг явахад
Цэнгэл жаргал дүүрэн байлаа
Тэнэгүүдийн дунд цэцэн явахад
Тэрнээс илүү зовлон алга даа... (Р.Чойном)
гэж хэлсээр, хэслснийг нь "алсаар"... сэтгэж болохгүй, дарга нарын зөв буруу нь мэдэгдэхгүй сэтгэснийг гүйцэлдүүлэх ёстой, залхуу Балдангаас илүү машин унаж болохгүй, тэднийхээс сайхан хоол идэж болохгүй... Тэр хөгжилтэй хөрөнгөтний нийгмийн бүх зүйл муу муухай... Ronaldinho бол маш муухай хөлбөмбөгчин... аминдаа 20 ширхэг малтай байж болохгүй, тэгээд хүний малыг хүчээр маллаад тэрнээс кайф авч амьдрах уу? дахиад хэлье! чи сэтгэж болохгүй! Сэтгээд яах юм бэ? даргад таалагдахгүй бол ума мани бад ми хум! болно.
Одоо бол би юу дуртайгаа "дабль А"-даж болно. Чөлөөтэй сэгэж болно! Чиний сэтгэсэн чинь зөв бол хүмүүс чамайг дэмжинэ, тэдний дэмжлэгтэйгээр бид цугтаа урагшилна... Чамд ямар нэгэн зүйл таалагдахгүй бол чи түүнийгээ хэлж болно, шүүмжилж болно... тэгснээр тэр муу зүйл сайжирч болох боломжтой нийгэмд бид амьдарч байна. Бид үнэхээр азтай, сэтгэх эрх чөлөөтэй хүмүүс!
Би зарим хүмүүсийг их өрөвддөг... энхрий хайрт МАХН нам минь гэж одоо болтол ярьдаг, мах цусанд нь шингэтэл нь тэднийг эргүү болгосон тэр нийгэмд нь буруу байхаас, тухайн нийгмийнхээ мөн чанараа сайн ойлгож энхрий хайртаан болгож авсан хүмүүст буруу бас юу байхав дээ зайлуул гэж! Жишээ нь манай өвөө зөвхөн ХУ гэдэг нэрнээс болж тус намд санал өгдөг! Хэн нэр дэвшиж байна, ямар хөтөлбөртэй байна? гэдэг бол огт хамаагүй... цусанд нь маханд нь "энхрий хайрт" гэсэн сэтгэл шингэсэн байдаг. Тухайн нийгмийн өрөвдмөөр балгийг одоо цагт харуулах ганц жишээ энэ. Ардчилсан нийгмийн комунист нам гэж байж болох уу? Хонин сурэг дунд чоно байж болох уу? өөрсдийгөө хонь гээд андуурсан чононууд юмуу? Хэн нэгэн Энхбаяр, Нямдорж, Лундаажанцан нарын бүлэглэлийг би огт харааж байгаагүй... зүгээр л өвөөгийн үхэн үхэтлээ шүтсэн бурхан гэж боддог ХУ гэдэг нэрийг л харааж амьдарсан, хараасаар ч байх болно. Харин ХУ гэдэг нэрний цаагуур нуугдаж манай өвөө мэт "харанхуй нийгмийн золиосуудаас" санал авч албан тушаалд хүрдэг хүмүүийг үхэн үхтлээ хараасаар бас өрөвдсөөр ... амьдрана (тэр нийгмийн золиосууд хэзээ нэгэн цагт дуусна ш дээ). Өвөөгийн нийгмээс өнөөдрийн нийгэмд хүргэж өгсөн аавдаа болон аавын андууд болох ардчилалыг авчирна хэмээн хөөрч явсан 20 жилийн өмнөх шинэ сэтгэлгээтнүүдэд баяр хүргэж, баярласнаа дахин дахин илэрхийлье.

Цагаан морь, чононд бариулах гэж сүргээсээ цойлоогүй юм шүү...!!! (Төрийн дайсан киноны төгсгөл үг)