2 дахь сарын шалгалт дууслаа.

11-р ангийнхан 2 дахь сарынхаа шалгалтыг өгч дууслаа. [түрүү сарын дүн]

1. Хажидсүрэн 78%+79%=78.5% [79.5]
2. Дашпүрэв 51%+78%=64.5% [79]
3. Мөнхдалай 54%+75%=64.5% [81.5]
4. Даваабат 52%+64%=58% [73]
5. Баасансүрэн 32%+74%=53% [83.5]
6. Энхбаяр 51%+48%=49.5% [54]
7. Уртнасан 32%+54%=43% [57.5]
8. Очирмаа 28%+46%=37% [54]
9. Сарантуяа 27%+31%=29% [ш]
10. Касум 19%+35%=27% [ш]
11. Ану 13%+29%=21% [45.5]
12. Сэрэглэнбаатар 19%+19%=19% [38.5]
13. Батхишиг 5%+30%=17.5% [ш]
14. Надмид 17%+17%=17% [36]
15. Одцэцэг 3%+19%=11% [ш]
16. Мөнхбайгаль 1%+15%=8% [37]
17. Даваацэрэн 8%+0%=4% [24]
18. Дарьсүрэн 0%+5%=2.5% [ш]
19. Баттүшиг 0% [ш]

түрүү сарынхаас хавьгүй хүнд шалгалт авлаа гэхдээ Хажидсүрэн түрүү сарынхаа дүнг яг давтаж сайхан амжилт гаргалаа. Түрүү сард 3-р байранд орж байсан бөгөөд өөртэйгээ ойролцоо өрсөлдөж байсан 4 өрсөлдөгчөөс энэ сард суга үсэрч чадлаа. Эхний өдөр амжилттай байсан нь ийм үр дүнд хүргэлээ. Энэ сард бусдаас маш их бэлтгэл хийснийх нь үр дүн байхдаа.
Дашпүрэв тасарцан амжилт үзүүлэхээ болилоо. Энэ сард 3 шалгалт өгч бүгдэд л тааруу байлаа. 15% -орчмоор буурсан 3 хүний дунд мөн Мөнхдалай, Даваабат нарын хүмүүс байна. Бас л сайн авах ёстой хүмүүс энэ удаад тааруухан л байлаа. Хажидаас бага хөдөлмөр гаргавал улам л хоцорсоор байх болно. Гүйцэж авахын тулд түүнээс илүү хөдөлмөр зарах хэрэг гарлаа даа.
Түрүү сарын тэргүүлэгч Баасансүрэн эхний өдөр муу бодосноор сүйрэлд хүрлээ. 2 дахь өдөр л өөрийнхөө гол өрсөлдөгчидтэй ойрхон үзлээ. Залхуураад байвал удахгүй бүүр хойгуур байранд орно шүү гэж сануулаад л байгаа. Рекорд эзэмшигчдийн ганц залгамжлагч ч муу байна даа.
Эхний 5 байр энэ 2 сарын хувьд тогтмол байлаа. Харин түүний дараагийн 3 байр мөн л тогтмол байлаа. Хоорондоо байраа л багахан сольсон байгаа. Энхбаярын дүн харьцангуй бага буурсан нь энэ сард бага тасалсантай нь холбоотой. Очирмаа ерөнхийдөө байраа хадгалж байгаа бол Уртнасан сайжрахгүй байна аа. Тун ч муу байсаар байна.
Энэ тогтмол 8-ын араас 2 шинэ цэрэг орж ирсэн байгаа. Одоохондоо дундаж хэмжээний амжилт үзүүлж байгаа Сарантуяа Касум нарт ихээхэн хичээж сайчуудын эгнээрүү шилжих үүрэг ноогдож байна.
Ану, Сэрэглэнбаатар, Надмид гэсэн хүмүүс амжилт нь өөрчлөгдсөнгүй, байр нь ч өөрчлөгдсөнгүй. Уг нь миний хамгийн их найдвар тавьж сайжрах болов уу гэж харж байгаа 3 хөдөлмөрч хүүхэд. Цаг хугацаа явах тусам илүү эрчимтэйгээр сайжирч урд хүмүүст хүндрэл учруулах л ёстой хүүхдүүддээ... Мөн шинэ сурагч Батхишиг 2 дахь өдөр боломжийн сайн байлаа. Энэ эрчээрээ бол бас сайжрах боломжтой хүний нэгд тооцогдох дөхөж байна. Одцэцэг анх удаа шалгалт өгч тааруухан байлаа, нэлээд их хичээл тасалсан нь нөлөөлж байгаа биз. Үнэн сэтгэлээсээ, зорилго зорилттой сайн тэмцэх хэрэгтэй.

За 4 суга нөхөр байгаа юмаа. Хичээлээ тасалдаг, даалгавараа хийдэггүй гээд үнэн бүтэлгүй 4 хүн байна. Ганц сарын хугацаа л өгөөд үзье дээ. Залуу хүүхдүүд үнэхээр их хичээгээд сайжрах ч юм билүү...